從良左一年．Xanga都開始無咁多主題．花神都無埋 未從良既幾年．都係沉淪情色遊戲．幾多次．唉．哩個唔係重點了 今非惜比．而家真係老友記．真係唯獨是Martin And Ryan... 無論我係香港．大陸．哩兩位真係博命咁搵我．．好似我欠佢錢唔還咁．哈哈 以前到而家．對朋友．我做足本份咖啦．．是非少講．算係咁啦 對情人．唔駛問．識我既死人頭實知．就算日後有事相求．都係形式上而已 我只當係過去人生既一段小電影．除左男主角唔靚之外．其他都過得去既．以後不見為妙 胡混多年．．我對唔住一個人（我冇機心．唔駛你信我．專重你）．．討厭一個人（你做過ｄ咩 自己知啦）．．．深恨一個人（咪撚比我見到你．實打撚死你）．．同埋．．有陣時都會想念 既．．一個人 (唉．時光不復返．無得返轉頭） ｋｉｔｔｙ．２５號既婚禮．係我第一次去飲一餐自己同學既飲宴．．好開心．．哩次一去終於 都關自己事啦．以前去親既都係屋企人果ｄ 乜野三姑呀．六婆呀．．果ｄ下一代既飲宴．．老實講．關我Q事咩．．同佢三唔識七．講野九唔 搭八．．去到咪係咁爭野食．野飲．同埋野果．大佬．比左人情．唔駛食番夠本咩．．食完就急 急腳咁走咖啦．．今次就好唔同．Renee唔信邪．．要５點幾到酒店．人地８時入席．７點搭１１ 到都無問題啦．．結果一到．預左啦．岸鳩鳩咁坐係度．．人情我早就做左禮券．都係５００． （無計．．本大爺係個窮人．．唉）．交到ｋｉｔｔｙ手上．．時間一到就埋位啦．台上既司儀 講ｄ野好似耶穌咁．勁眼訓．梗係講耶穌啦．．鬼叫係教會咩．到新郎新娘出場既時間．哇．． 原來一個女人．．結婚果陣真係最靚咖．．一出到黎．簡單就同以前唔同晒．差得唔認得佢 呀．．鴨仔都可以變天鵝呀（唔係話ｋｉｔｔｙ你唔靚呀．咪嬲住）之後就係食野時間啦．．都 係照以前ｄ經驗．．食得唔好浪費．不過佢地哩一餐就真係縮晒水．．無樣野食得飽．．（我哩 個飯桶夢咁就無左）．ｄ服務員汁野仲快過食野．．真係趕客咁趕呀．．搞到１１點半鐘先散場 真係骨都折得．．拿拿林返屋企訓覺好過．． 我而家既生活就真係似蜜牙糖咁啦．．乜都同人痴一餐．哈哈 係哩度提一提識我既人先．．想電我既．就星期二至四先好電呀．五至一既話．我係上面唔得閒 招呼你咖．（無計啦．ｄ人成日話我失蹤） 胡混多年．乜都諗通晒．重新接觸番社交圈子．．Carmen B Day果日．同Jason傾番計啦 我諗都係多得佢本身放得底之外．Viki都無功有勞既．．（本身諗住唔想你地唔開心．咪唔搵全世 界）．只要係朋友．．間中有變故都好．．你坦誠既．．最終既結局分分鐘理想咖 至於發燒友．．未知既就放過風比你地．．我同輝哥個DiscoClub.Forum係８月１７號果陣就摺埋左 了．以後我唔發歌上網咖啦．要先MSN問我吧．Thx Groove Coverage Because I Love You (Club Mix) FULL．佢又出新野啦．遲ｄ推出Bass-T既Full版 哩排上番網理下ｄ野．遲ｄ先整埋試聽．現場Live比你地欣賞．寫住咁多先啦 | 